Ka reaguar kryetari i PDK-së, Memli Krasniqi pasi Gjykata Kushtetuese rrëzoi ligjin për Këshillin Prokurorial të Kosovës, duke thënë se partia e tij po dëshmon se i shërben interesave të qytetarëve të shtetit.
Sipas Krasniqit, Gjykata Kushtetuese e shpalli anti-kushtetuese përpjekjen e Kurtit për ta vënë nën kontroll dhe për ta cenuar integritetin e KPK-së.
“Kushtetuta, si bazament i parimeve të drejtësisë, nuk mund dhe nuk do të lejojmë kurrë që të shkelet nga pretendimet uzurpuese të pushtetit”, shkroi Krasniqi në rrjetin social Facebok, përcjell arbresh.info.
Tutje, ai tha se si në këtë rast, PDK-ja do ta kundërshtojë secilën nismë qeveritare që synon, sipas tij, t’ia nënshtrojë të drejtën diktatit të një njeriu dhe qëllimeve autoritare të pushtetit.
Postimi i tij i plotë:
Partia Demokratike e Kosovës edhe njëherë dëshmoi se ju shërben interesave të qytetarëve e të shtetit tonë, duke mbrojtur rendin kushtetues përkundër tentativave të Qeverisë Kurti për ta shkelur atë.
Edhe sot, Gjykata Kushtetuese na dha të drejtë, duke e shpallur si anti-kushtetuese përpjekjen e Kryeministrit Albin Kurti për ta vënë nën kontroll dhe për ta cënuar integritetin dhe profesionalizmin e Këshillit Prokurorial të Kosovës.
Kushtetuta, si bazament i parimeve të drejtësisë, nuk mund dhe nuk do të lejojmë kurrë që të shkelet nga pretendimet uzurpuese të pushtetit.
Ngjashëm si në këtë rast, do ta kundërshtojmë secilën nismë qeveritare që synon t’ia nënshtrojë të drejtën diktatit të një njeriu dhe qëllimeve autoritare të këtij pushteti.
Lexo edhe:
Tre të vrarë, 14 të plagosur në një sulm në kompaninë turke ...
Nesër seanca e jashtëzakonshme për skandalet në KEK
Rezi: Të premten del Gresa
Austin: Ekzistojnë prova për dërgimin e trupave koreano-veri...
“Në BE, në 2030”, Rama: Shqipëria zgjohet dorë për dore me B...
Hovenier bën thirrje për proces të hapur e gjithëpërfshirës ...